Page:Si Capitana Tuna (microform) - balasahon sa caron nga mga adlao (IA aps8629.0001.001.umich.edu).pdf/19

— 18 —

hulogbon cag mainit nga handum magtuloc sa
iya anac nga guinahagyauan sang mga olitáo.
 Sa tupad sang simbahan sa R. may isa
ca punò nga talisay, nga salamat sang mga
magapà nia nga sanga, guinatipontiponan,
guinapahuayhuayan sang mga umalagui, labi
na sang mga olitao nga sumalayhao sa banua
con magtupà na ang cahaponanon, cag dirà
magsinuguilanon, magsínapulsapul
sang ila
buot himoon. Sadto nga aga nagapanilong
sa iya landong ang tatlo ca pamata-on, nga
bangud sang ila pangnauong nga guinapaqui-
ta cag pagsali quilag, nagapabatiag nga may
guinabulat nga balita. Sa hinali lang sumimpon
sa ila ang olitao, nga nanaug sa balay ni ca-
pitana Tuna, cag mamulong;
 —Dao sa dili ta matigayon ang saut Sa
balay ni tia. . . . .
 —Tungud sa ano, Luis? (Amo ini ang nga
Jan sang bag-ong abut.) namangcuton si VIC-
torino nga sa ila tanan amo ang tulotigulang.
 —Si teniente Fernando, cag si tia nagqui-
naburigal. Buot untà sang tigulang nga mapa.
saut buas, sa paghatag sing maayo nga pag-
abut cay Midiong, apang ini sia nagapaiste-
iste man; ta sumacà si teniente Nando, nga ticó
pa sa guta sing caisipan cag mag-argumento;
pinaguá ang iya catarungan nga sinadto tub-
tub linas-ayan si Midiong.....
 —Té nano conó sang tigulang? Nagusisa
guid si Victorino, -
 —Ah, sumungud! Nagabagrut sang acon
pagbalin, apang tungud nga cadugó man
sang leon, mabatò guid.. .cay sang iya
pagsulod nagadalamiton nga tan-auon conó
ugaling nila con sin-ó ang magadaug.