— 14 —
ang baba, sanglit cay nagapahayag sang iya
mga caisipan.
—Nga-a, Midiong buot ca guid masaut? Naquiana ang teniente.
—Tio, abao!....con macalicao lang....
—Nga a ano? Pumuguat ang capitana — cay sala naman sa Dios....Abá nong Nando, cahapon pa ang paugtas nia sini sa acon. Cay cono hija de Mar a sia, dili angay magsuc suc sang moda nga saya, tungud nga tamnà sa ca piut cay macadagta sa pagcaulay; tungud sang Sdo. Corazon de Jesus, indi magsaut cay cuaresma pa, cag nagasali pabuang cay guindumili sa iya ni con si sin o nga may pagsotana. yaua! anong labut ni con sin-o nga parè sa acon pangabuh? Cuaresma! escandalo!... escandalo sa anó?
Si Gng. Fernando nga nacaquilala cay tana Tuna, tungad sang pag-isa nila ca balay sa sacup sang con pila ca tuig, uala matingala nga sa iya pagsaca, alauon sia sing alauayon; naghipus, pinapungcò nia sa iya luyó si Midiong nga sadtong tion nagatindog nga subong sang larauan nga buhi sang casubu; sumindi sing tabacò cag pumahubot, cag sa iya guinapanuloc nga naglugpay na yadtong caaquig, sa mataohay nga paninĝug, cag puno sing cagamhanan nga guinahatag sang iya pagcamagulang, sumiling.
=Tuna dili co pag-apin cay yare si Remedios nga nagapamatí. Ualay duhaduha nga matarung sing panituot ang imo anac. Ang matuod cag ang matarung ibutang ta sa naigo-an nga lugar. Dili tungud nga ang isa ca táo, hija de Maria ó devota sang Sdo. Corazon de Jesus, dapat na nga magsicuay sinang moda
