— 12 —
Sa sini sumulud si Midiong cag dayon niya haloc sa camut sang iya tiyò.
—Yarà tan-aua, — pumadayon si tana Tuna sa paghambal — ¡Dao ano ang iya pagdacu! Dao cahoy nga lunóc ang calabuac, pulus lang dahon cag sanga, apang ualay tugás,....
Sinang-at sang teniente ang iya antiohos nga nagacatincatin sa iya pandaca nga ilong, tumuloc sa iya hinablos sing halin sa olo tubtub sa tiilan cag sumiling: Jesus Maria cag José! abao nga pagcadalig nga dalaga, dao isa ca pulác nga mutiàl Abao con buhi si tatay mo, inday, ano ayhan nga calipay ang iya? Tuna, con sa luyó ca ni Midiong mo, dao sa cahapunanon sa tupad sang cabuguason nga nagadilag, ha ha!,
Tumalangcao ang teniente cag sumugod sang iya lahoglahog, apang nangiray anay sa cay capitana Tuna cag mamulong sa iya hinablos.
—Midiong dili pag utis sa imo, condi ang sa matarung nga hambal; bulahan ang mga mata nga bisan con madulom na, caron nagatuloc sa imo...... cag ha! ha!—haaa! dao pahiron lang ang acon cabudlayan con macabati sang langit. non mong tingug, cay guinabantug ca nga natahum cumanta sang Ave Maria ni Gounod....
—Tay Nando, sumabat ang dalaguita, nga tungud sang calamay sadtong pagdayao sa iya pinanglimot sang casabà sa iya iloy,—diguid maayo, dil matahum nga subong sang sinuguidsuguid nga imo nabatian. . . . .
—Te caron, Tuna, anong ipremio mo cay Midiong? namangcut ang teniente. Ining mga pulong nagpucao sang iya caaquig, bus: sa hinali sumabat sing malas-ay
