Page:Serat Asmaralaya.pdf/21

​ꦏꦠꦫꦶꦩ꧈​​ꦏꦁ​ꦤꦫꦶꦩ​ꦲꦤꦤꦶꦫ​ꦥꦿꦶꦧꦢꦶ꧈​​ꦮꦶꦠ꧀​ꦮꦸꦱ꧀​ꦥꦮꦺꦴꦫꦶꦁ​ꦱꦮꦸꦗꦸꦠ꧀꧈​​ꦫꦺꦴꦫꦺꦴ​ꦫꦺꦴꦫꦺꦴꦤꦶꦁ​ꦠꦸꦁꦒꦭ꧀꧈​​ꦠꦸꦁꦒꦭꦶꦫ​ꦩꦏ꧀ꦱꦶꦃ​ꦏꦼꦏꦭꦶꦃ​ꦥꦸꦤꦶꦏꦸ꧈​​ꦩꦂꦒ​ꦭꦒꦶ​ꦥꦤꦸꦁꦒꦭ꧀ꦚ꧈​​ꦱꦗꦿꦺꦴꦤꦶꦁ​ꦩꦢꦾ​ꦥꦸꦤꦶꦏꦶ꧉​​
​ꦢꦸꦫꦸꦁ​ꦠꦸꦁꦒꦭ꧀​ꦲꦶꦁ​ꦮꦱꦤ꧈​​ꦩꦂꦩꦤꦶꦫ​ꦩꦏ꧀ꦱꦶꦃ​ꦮꦁꦱꦸꦭ꧀​ꦏꦼꦏꦭꦶꦃ꧈​​ꦭꦶꦂ​ꦏꦽꦱ꧀ꦤ​ꦏꦭꦮꦤ꧀​ꦮꦶꦱ꧀ꦤꦸ꧈​​ꦭꦩꦸꦤ꧀​ꦏꦽꦱ꧀ꦤ​ꦏꦠꦶꦔꦭ꧀꧈​​ꦱꦁ​ꦲꦾꦁ​ꦮꦶꦱ꧀ꦤꦸ​ꦱꦪꦼꦏ꧀ꦠꦶꦤꦺ​ꦠꦤ꧀​ꦏꦢꦸꦭꦸ꧈​​ꦪꦺꦤ꧀​ꦮꦶꦱ꧀ꦤꦸ​ꦤꦺꦁ​ꦱꦸꦫꦭꦪ꧈​​ꦧꦛꦫ​ꦏꦽꦱ꧀ꦤ​ꦠꦤ꧀​ꦏꦺꦏ꧀ꦱꦶ꧉​​
​ꦤꦔꦶꦁ​ꦏꦽꦱ꧀ꦤ​ꦲꦶꦪ​ꦏꦽꦱ꧀ꦤ꧈​​ꦮꦶꦱ꧀ꦤꦸꦤꦶꦫ​ꦮꦶꦱ꧀ꦤꦸ​ꦱꦗꦠꦶ꧈​​ꦧꦺꦢ​ꦥꦩꦺꦴꦫꦶꦁ​ꦔꦭꦸꦪꦸꦠ꧀꧈​​ꦏꦽꦱ꧀ꦤ​ꦱꦶꦂꦤ​ꦮꦭꦸꦪ꧈​​ꦥꦸꦭꦶꦃ​ꦮꦶꦱ꧀ꦤꦸ​ꦔꦪꦔꦤ꧀​ꦱꦭꦩꦶꦤꦶꦥꦸꦤ꧀꧈​​ꦩꦂꦩ​ꦥꦤꦸꦁꦒꦭꦶꦁ​ꦩꦢꦾ꧈​​ꦩꦸꦁ​ꦲꦫꦤ꧀​ꦒꦩ꧀ꦧꦸꦃ​ꦲꦶꦁ​ꦮꦶꦢꦶ꧉​​  
꧅ꦟ꧀ꦢꦿ꧅
ꦪ​ꦱꦶꦁ​ꦒꦠꦸꦁꦒꦭ꧀​ꦭꦒꦸ꧈​​ꦥꦤꦼꦏꦸꦔꦤ꧀​ꦏꦁ​ꦏꦺꦴꦕꦥ꧀​ꦲꦶꦁ​ꦥꦁꦏꦸꦂ꧈​​ꦭꦤ꧀​ꦥꦔꦸꦏꦸꦠ꧀​ꦥꦔꦿꦕꦸꦠ꧀​ꦥꦠꦿꦥꦶꦁ​ꦥꦠꦶ꧈​​ꦩꦸꦁ​ꦧꦺꦢ​ꦩꦱꦺꦱ​ꦲꦶꦏꦸ꧈​​ꦮꦶꦤꦱꦺꦱ​ꦥꦿꦥ꧀ꦠꦺꦁ​ꦭꦪꦺꦴꦤ꧀꧉​​
ꦢꦺꦤꦺ​ꦥꦠꦿꦥꦶꦁ​ꦭꦩ꧀ꦥꦸꦱ꧀꧈​​ꦮꦱꦶꦠꦤꦺ​ꦥꦿ​ꦮꦶꦏꦸ​ꦏꦁ​ꦥꦸꦠꦸꦱ꧀꧈​​ꦥꦮꦂꦠꦶꦤꦺ​ꦲꦤ꧀ꦠꦫ​ꦏꦸꦫꦁ​ꦠꦿꦶ​ꦱꦱꦶ꧈​​ꦫꦱꦤꦶꦁ​ꦫꦱ​ꦮꦸꦱ꧀​ꦱꦸꦫꦸꦠ꧀꧈​​ꦱꦸꦉꦩ꧀​ꦱꦸꦩꦶꦫꦠ꧀​ꦲꦶꦁ​ꦫꦲꦺꦴꦱ꧀꧉​​
ꦤꦸꦤ꧀ꦠꦸꦤ꧀​ꦏꦂꦏꦠꦶꦁ​