Say incabiniagan tan incatoctocso nen Jesus.
9 Et agaoa ed saraman ya agueo, ya si Jesus sinmabi á nanlapu'd Nazaret na Galilea, et bininiagan nen Juan dima'd Jordan.
10 Et tampol á dia'd intatdang to á nanlapu'd danum, aneng- neng to ra'y taoen ya linmucas, tan say Espíritu ya singa malapati ya onlelecsab ed sicato:
11 tan saquey á vooes á nanlapu'd saray taoen, á cuan to, Sica'y inadaroc y'a Anac, dia'd sica napaliquet ac ya maong.
12 Et tampol á sama'y Espíritu inpaarap to ed calaoacan.
13 Tan sicato nan-ayam diman ed calaoacan ya apataplo'y agueo á tinoctocso nen Satanas; tan aquiayam ed saray mona- nacap; et saray angeles nanservi ra ed sicato.
Say incataoag da ra'y acaonan binangatan.
14 Natan sanen nipangao la'y Juan, linina'y Jesus ed Galilea, ya mangipulpulong na evangelio'y Dios,
15 tan cuan to, Say panaon asungpa'la, tan say panaria'y Dios asinguer la: inansibquel cayo, tan manísia cayo ed evangelio.
16 Tan dia'd ilalabas to ed baybay na dayat na Galilea, anengneng to si Simon tan si Andres ya agui nen Simon á mangipapaleg ira'y saquey ya iquet dima'd dayat: ta sicara cumequemel ira.
17 Et incuan nen Jesus ed sicara, Tomboc cayo ed siac, et gaceen ta cayo naani'n cumequemel na totoo.
18 Et tampol á tinaynan da ra'y iqueiquet da tan tinmomboc ira ed sicato.
19 Tan nanacar na aragdaui daiset, anengneng to si Santiago ya anac nen Zebedeo, tan si Juan ya agui to, á sícara oala ra met ed baloto ya manaapiguer na iqueiquet da ra.
20 Et tampol á tinaoag to ra: et tinaynan da'y ama ra'n. Zebedeo ed baloto á pati saray inopaan ya aripen, tan tinmom- boo ira'd sicato.
