Si Juan á Bautista:
1SAY gapo'y evangelio nen Jesu-Cristo, ya Anac na Dios.
2 Onong na singa oala'n nísulat nen Isaías ya profeta.
Niá, ibáquic so igagangan co ed arapa'y lupam,
Ya sicato'y mangiparaan na dalan mo;
3 Say voces na saquey á mancolcoliaot ed calaoacan, á cuan to, Iparaan yo se dalan na Cataoan,
Petec yo ra'y basbas to;
4 Si Juan linma dia, sicato nanbiniag ed calaoacan tan nanpulong na biniag na panagbabaoi ya oncanau pamsandi ed saray casalanan.
5 Et pinmaoay ed sicato ra'y amin á totoo'd dalin na Judea, tan amin á Jerusalem; et abiniagan ira ed sicato dima'd flog ya Jordan, ya inpapatua ra'y casalanan da ra.
6 Tan si Juan sicacaoes nensaman na bago'y camello, tan oala'y saquey á balques á catat ya binmalques ed aoac to, tan say quiniquinan to saray doron tan dilo'd taquel.
7 Et sicato nanpulong, á cuan to, Onla dia a mantomboc ed siac ima'y macapaniari nen say siac, say coldon na saray zapatos to ag ac oncana ya onyoco tan manĝogbar.
8 Siac say danum so pamining co ed sicayo; sicato balet biniagan to cayo naani na Espíritu Santo.
