15 ET tampol á dia'd caimbuas saray manonaan ya papari pati saray mamasiquen tan saray escribas, tan say sancaconsejoan, guínaoa nay saquey á panpapanonan, et binalor day Jesus, tan inyaraui ra, tan indereo da'd si Pilato.
2 Et si Pilato tinepetan to'y Jesus, ¿Sica so Ari 'ray Judios? Et sicato dia'd ineba'to cuan to ed si Pilato, Sica ibabagam.
3 Tan saray manonaan ya papari indalem day Jesus ed nan- babangil á pamaacaran.
4 Et si Pilato tinepe'to lamet ed si Jesus, á cuan to, ¿Anga- pon balot so iyebat mo? nengneng mo no panoy caamayamay na pamaacaran ya idalem da'd sica.
5 Si Jesus balet agla inmebat na mogmo; ed ontala ya si Pilato niquelaoan.
6 Natan dia'd fiesta naugalian to ya bolosan to'y saquey á pinangao, ya quereoen da ed sicato.
7 Tan oala nensaman so saquey a manngaray Barrabas, ya nipangao á pati saray ibiba to ya nangaoa'y alzamiento, totoo 'ran acapatey tan insurrectos.
8 Et saray daquel á catooan sinmeguep ira tan guinapoan dan quereoen ed sicato ya gaoeen to como'y onong na nauga- lian ton gaoeen ed sicara.
9 Et si Pilato inmebat ed sicara, á cuan to, ¿Labay yo ya bolosan co'd sicayo so Ari ray Judios?
10 Ta sicato atebec to ya lapu ed pacacaibeg na saray mano- naan ya papari indereo day Jesus.
11 Balet ta saray manonaan á papari inupitan da ray daquel á catooan, ya si Barrabas ingen so bolosan to ed sicara.
12 Et si Pilato inmebat lamet ed sicara, á cuan to, ¿Anto sirin so gaoeen co ed sama'y tataoaguen yo'y Ari 'ray Judios?
13 Et sicara inyaquis da lamet, Ipasac mo ed cruz.
14 Et si Pilato incuan to ed sicara, ¿Aquin, anto'y maugues ya guinaoa to? Balet sicara inyaquis day mapalalo, Sicato'y ipasac mo ed curz.
15 Tan si Pilato dia'd panpiraoa'ton mamareen ed saray daquel a catooan binolosan to ed sicara si Barrabas, tan sanen aleoe'to lay Jesus, indereo to ed sicara pian sicato'y ipasac da'd cruz.
