60. Salma.
David rokkadalla Ibmelest væketet su olbmuides dam stuorra bakkadasast, maid son læ bigjam sin ala, 3–7; dorvos son bigja Ibmel loppadusai ala Israel vuoito birra su vašalaǯaides bagjel, 8–10; nanna ossko sust læ Ibmel væke ala dam soađest Edom vuosstai, mi forg šaddat aiggo, 11–14.
1 Lavllomoapatægjai; šušan edut[1] mield; golle lavla, Davidest, oappam varas;
2 go son læi vuoittam Mesopotamia ja Aram Soba,
ja Joab ruftud bođi ja časki Edomitalaǯaid saltlæǥest,
guoft nubbe lokkai duhat. 2 Sam. 8, 1. . . 13. 1 saǥaig. 18, 3. . .
3 Ibmel! don hilgguk min, don gaikkuk min; moarest don legjik; arvosmatte min dal fastain.
4 Ædnam don doargestattik, don biđggik dam; buorred dam viǥe, dastgo dat juorbbo.
5 Don addik du olbmuidad garasvuođaid oaidnet;
don addik migjidi vine jukkat, atte fierrališgođimek. Sal. 75, 9. Es. 51, 17. . .
6 Mutto don addik sigjidi, guđek dust ballek, flauda čuoǯǯaldattujubmen, du duotvuođa ditti. Sela.
7 Vai du eccujuvvumak šaddaši besstujubmai, de
bæste du olgiš gieđainad ja vasted migjidi. Sal. 108, 7. . .
8 Ibmel læ sardnom su bassevuođastes; avvodet aigom, Sikem aigom juoǥadet, ja Sukkot læǥe mittedet aigom.
9 Muo læ Gilead, ja muo læ Manasse, ja Efraim læ
muo oaive værjo, Juda læ muo laǥa adde. 1 Mosesg. 49, 10.
10 Moab læ muo basadamlitte, Edom ala gabmagam
mon balkestam, must illodekkus Filistalaǯai ædnam! 4 Mosesg. 24, 18. 2 Sam. 8, 1. 2. 13. 14.
11 Gi muo doalvvot aiggo dam nanna gavpugi? gi muo laiddit aiggo Edomi?
12 Ikgo don, muo Ibmelam, gutte hilgguk min, ja
ik vuolggam min soattevæǥaiguim, o Ibmel? Sal. 44, 10.
13 Adde migjidi væke vašalaǯǯamek vuosstai, dastgo
duššalaš læ suddogasai vække. Sal. 146, 3. . .
- ↑ arvedatta melodia.
