55. Salma.
David rokkadalla Ibmelest su rokkus gullat su stuorra balost ja hæđest, 2–9; sardno dam stuorra ibmelmættomvuođa birra, mi læ, ja vaidda nabmalassi, atte muttom su oskaldas ustebines šaddam læ su baččagamus vašalaš, ja rokkadalla Ibmelest rangaštusa su bagjeli, 10–16; dietta nanoset su rokkus gullujuvvum ja ječas besstujuvvum, 17–24.
1 Lavllomoapatægjai suonai čuojatusa mield; oapatus Davidest.
2 Jorggal bælljad, muo Ibmelam, muo rokkus guvllui, ja ale čieǥa ječčad muo vuollegis adnomest.
3 Vuttivalde muo ja vasted munji; muo jurddagidam luoitam golggat ja biekkot fertim.
4 vašalaǯǯam jena ditti, ibmelmættom olbmu vækkavaldalašvuođa ditti; dastgo ollo bahhavuođaid si munji dakkek, ja vašestæsek si doaradallek muo.
5 Vaibmo must doargestæmen læ muo sistam, ja
jabmem hirmastusak muo ala gaččam læk. Sal. 18, 5, 6.
6 Ballo ja doargestæbme boatta muo bagjeli, ja suorgatus muo ald orro.
7 Ja mon cælkam: vare soajak must lifči nuftgo duvast, de erit girdašim ja assamsaje valdašim.
8 Gæč, gukasrakkan batarussi mon manašim, orromsaje
mæcest valdašim. Sela. Jeremias 9, 2.
9 Bataramsagjai gačašim aldsim dam gaikodægje biega, dam garra riđo ditti.
10 Hævat hærračam, biđge sin njuofčam; dastgo vækkavaldalašvuođa ja doaro gavpugest oainam.
11 Ija bæive si dam birra vagjolek dam ladneseini ald, ja bahhavuotta ja oasetesvuotta læ dam sist.
12 Hævvo siskebæld læ dam sist, ja vækkavaldalašvuotta ja bættolašvuotta i gaida dam šiljoin erit.
13 Dastgo i vašalaš læk higjedæmen muo, dalle mon dam gillašim; ige gađaš olmuš læk, gutte muo vuosstai čævllaistallamen læ, dalle su oudast mon čiekkadifčim;
