Page:Salmai girje.pdf/40

From Wikisource
Jump to navigation Jump to search
This page has been proofread.
36
29. 30. sal.
Salmai girje.

5 Hærra jedna sedermuoraid læ cuvkkimen, hærra cuvkkimen læ Libanon sedermuoraid.

6 Ja son dakka, atte dak njuikkik nuftgo galbek, Libanon ja Sirjon[1] nuftgo nuorra ovtačoarvasaš fuođđo.

7 Hærra jedna luddimen læ dollanjuofčamid.

8 Hærra jedna dakka, atte mæcce doargestišgoatta, atte Kades mæcce doargestæmen læ. 5 Mosesg. 1, 19.

9 Hærra jedna dakka, atte aldok guddek, ja lasta­tutta vuvdid ja su tempal sist cælkka buok: gudne! Sal. 11, 4.

10 Hærra truonos ald čokkai čacceolle bagjel, ja hærra truonos ald čokka gonagassan aǥalaǯǯat. 1 Mosesg. 6, 17.

11 Hærra adda olbmuidassis famo, hærra olbmuides læ buristsivnedæmen rafhines.

30. Salma.

David maidno Ibmel, go son læ bæsstam su stuorra hæ­đest, 2–4; goččo ibmelballolaǯaid særvvat dam su maidnomi, 3, 6; muittal moft buorre dillestes son addi ječas værre oagje­basvutti, mutto atte hærra rangaštusduomok bofte su, moft dalle Ibmelest son rokkadallai ja šaddai vækketuvvum, 7–12; lop­ped alelassi damditti Ibmel maidnot. 13.

1 Salma, viesos basotam lavla; Davidest.

2 Aledet aigom du, hærračam; dastgo bajas don gessik muo, ja ik don luoittam muo vaššalaǯaidam must illodet. v. 4.

3 Hærra, muo ibmelam, dunji čurvvum, ja dierva­sen don dakkik muo. Sal. 103, 3; 147, 3.

4 Hærračam, muo sielo don bajas dolvvuk jabmi aimost, ællemi don ravkkik muo sin gaskast erit, guđek havddai vuolas mannek. Sal. 86, 13; 116, 3. 4.

5 Gittoslavllagid lavllot hærrai, di ibmelballolaǯak, ja gudnjettet su basse muito. Sal. 97, 12.

6 Dastgo čalmeravkkalam bodduš bissta su moarre, ællemaǥe su arbmo; ækkedest boatta čierrom guossen ja iđđesest læ arvvolavla. Es. 54, 7. Joh. 16, 20.

  1. guoft stuorra vare.