18 Mon loǥam buok muo davtidam; olbmuk oidnek, gečček muo iloin.
19 Muo biftasid si juoǥadek gaskanæsek, ja muo
gavte si vuorbadallek. Matth. 27, 35. Joh. 19, 23. 24.
20 Mutto don, hærračam, ale læǥe gukken muo lut; mie gievravuottam, boađe hoapost muo væketet.
21 Gajo miekest muo sielo, bædnagin muo aidnomus[1]. Sal. 35, 17.
22 Gajo muo lægjon njalmest, ja vasted (ja bæste) muo ovtačuorvasaš fuođo čorvin.
23 Du nama muittalet aigom muo veljaidi, gasko
særvvegodde du gittet aigom. Sal. 40, 10. 11. Ebr. 2, 12.
24 Di, guđek hærrast ballabættet, gittet su, buok Jakob siebman, gudnjette su, ja bala sust, buok Israel siebman.
25 Dastgo i son læk bagjegæččam ige fastašam
varnotes olbmu varnotesvuođa, ja čalmides i son læk
čiekkam su oudast, mutto go su son čuorvoi, de gulai
son. Sal. 9, 13.
26 Dust vuolgga muo maidnom stuorra čoagganemi
sist; muo loppadusaidam mafset aigom sin čalmi oudast,
guđek sust ballek. Sal. 66, 13–15; 116, 14.
27 Lojes olbmuk galggek borrat ja gallanet, hærra
si gittek, guđek occek su – Ellus din vaibmo alelassi
diervvan. Es. 65, 13. 14. Matth. 5, 5. 6.
28 Buok ædnam ravdak dam muittet galggek ja
hærra lusa jorggalet, ja buok bakeni sokkageddek rokkadallat
galggek du čalmi oudast. Sal. 72, 11; 102, 23.
29 Dastgo hærrast læ valddegodde, ja bakenid rađđijægje
son læ. Sal. 96, 10; 97, 1.
30 Buok ædnam famolaǯak borrat ja rokkadallat
galggek; su čalmi oudast buokak gæbmardallat galggek,
guđek muolddai njigjek ja hæggasek æi mate bæsstet. v. 27.
31 Maŋeb sokkagoddek su balvvalek; muittaluvvum
šadda hærra birra boatte soǥaidi. Sal. 102, 19.
- ↑ dat læ: muo divrasamus, muo sielo.
