Page:Salmai girje.pdf/202

From Wikisource
Jump to navigation Jump to search
This page has been proofread.
198
145. 145. sal.
Salmai girje.

17 Vanhurskes læ hærra buok su gæinoides sist ja arkalmaste buok su daǥoides sist.

18 Lakka læ hærra buok dai lut, guđek su čuorv­vomen læk, buokai lut, guđek duottavuođast su čurvvuk. Sal. 91, 15.

19 Sin miela mield son dakka, guđek sust ballek, ja sin čuorvvomid son gulla ja sin bæssta. Sal. 37, 4. sadnev. 10, 24. Jak. 5, 16.

20 Hærra buok sin varjalægje læ, guđek rakisen su adnek, mutto buok ibmelmættomid hævatægje son læ.

21 Hærra maidnom galgga muo njalbme cælkket, ja buok oaǯǯe gittet galgga su basse nama aǥalaǯǯat ja alelassi. Sal. 148, 7. . .

146. Salma.

David gittet aiggo hærra buok su beivines, gieldda osko­laǯaid olbmui laa dorvastet, ja audogassan sin maidno, guđek hærra ala dorvastek; dastgo varnotemid bæsste son læ ja aǥa­laǯǯat bisso su valddegodde, 1–10.

1 Halleluja! Gite hærra muo siello! Sal. 103, 1; 104, 1.

2 Gittet aigom hærra, nuft gukka go ællemen læm, gittosid lavllot aigom muo Ibmeli, dam bodda go hæg­gast ain læm. Sal. 104, 33.

3 Allet oaivamuǯai ala dorvast, olbmu mana ala, gæn lut i læk bæsstem. Sal. 118, 8. 9. Jer. 17, 5.

4 Go vuoigŋa sust vuolgga, de su ædnami son macca; damanaga bæive nokkam læk su arvvalusak. 1 Mosesg. 3, 19. sal. 90, 3; 104, 29.

5 Audogas son, gæn vække læ Jakob Ibmel, gæn doaivvo læ hærra, su Ibmel ala, Sal. 40, 5.

6 gutte daǥai alme ja ædnam, ave ja buok, mi dai sist læ, gutte duottavuođa varjalægje læ aǥalaǯǯat, Ap. d. 14, 15. sal. 33, 4.

7 gutte vuolleduvvumidi vuoiggadvuođa fuolla, gutte sigjidi laibe adda, guđek nælgest læk; hærra čoavdda daid čadnujuvvumid. Sal. 9, 19; 68, 6. 7; 103, 6.