Page:Salmai girje.pdf/201

From Wikisource
Jump to navigation Jump to search
This page has been proofread.
145. sal.
197
Salmai girje.

1 David ramaduslavla.

Du aledet aigom, muo Ibmelam, don gonagas, ja du namad gittet aigom aǥalaǯǯat ja alelassi.

2 Juokke bæive du gittet aigom, ja du namad maidnot aigom aǥalaǯǯat ja alelassi.

3 Stuores læ hærra ja sagga mainotatte, ja su stuo­resvuotta guoratallamættos læ. Sal. 135, 5; 147, 5.

4 Nubbe sokka maidno nubbai du daǥoidad, ja du væǥalaš daǥoidad dak muittalek.

5 Du Majestæt hærvas goargo ja du oavddodaǥoi­dad jurdašaddat aigom. Sal. 143, 5.

6 Ja du suorggadlaš daǥoidad famo dak sardnuk, ja du stuorra daǥoidad, daid mon aigom muittalet.

7 Du stuorra buorrevuođa muittem si vidadek, ja du vanhurskesvuođa ditti si illodek.

8 Armogas ja vaimolađes læ hærra, gukkagierdavaš ja stuores arkalmastemest. Sal. 103, 8. Joel 2, 13.

9 Buorre læ hærra buokai vuosstai, ja su vaimo­lađesvuotta læ buok su daǥoides bagjel.

10 Du, hærra, maidnuk buok du daǥok, ja du basek du gittek.

11 Du valddegoddad hærvasvuođa dak sardnuk, ja du famod si muittalek,

12 olbmui manaidi su væǥalaš daǥoid muittalam ditti ja su valddegoddes goargadlaš hærvasvuođa.

13 Du valddegoddad valddegodde læ buok aǥalaš­vuođaidi, ja du hærravuotta bisstemen læ buok soǥai mietta. Sal. 146, 10. Dan. 4, 3. 34; 6, 27; 7, 14.

14 Hærra buok sin doarjalægje læ, guđek jorralek, ja buok hærdotuvvumid son čuoǯǯaldatta. Sal. 37, 17. 24; 146, 8.

15 Buokai čalmek du ala gečček, ja sin borramu­šadæsek sigjidi don addak aiggasæsek. Sal. 104, 27. .; 136, 25.

16 Du gieđad don ravastak ja buok hæggalaǯaidad dokkalašvuođain[1] don galletak. Ap. d. 14, 17.

  1. dat læ: mi sigjidi dokkalaš læ.