Page:Salmai girje.pdf/184

From Wikisource
Jump to navigation Jump to search
This page has been proofread.
180
126. 127. 128. sal.
Salmai girje.

5 Guđek čierromin gilvvek, lagjimen læk avvojenain. Matth. 5, 4. Luk. 6, 21.

6 Son manna ja čierro, daid gilvvagid guoddededin, maid gilvva; siddi son boatta avvojenain, su bælddošad­doid guoddededin.

127. Salma.

Salomon oapat, atte Ibmel væketaǥa læ buok olbmu barg­go duššalaš, ja atte Ibmel su olbmuides buristsivned buok bu­riguim, 1–5.

1 Lavla (tempali) bajas manadedin; Salomonast.

Jos hærra vieso i bajasdaǥa, de duššeditti dak barggek, guđek dam bajasdakkamen læk; jos hærra gav­pug gattijægje i læk, de duššas gocetægjek goccemen læk. 1 Kor. 3, 7.

2 Duššalaš vaivve dist læ, guđek arrad bagjanæppet, maŋŋet čokkanækket, bafčasi laibe borrabættet; nuft adda son su eccujuvvumidi sin oađededinæsek. Sadnev. 10, 22.

3 Gæč, manak læk hærra addaldak, hægga šaddo læ balkka. 1 Mosesg. 33, 5; 48, 9.

4 Moft njuolak soatteolbma gieđast, nuft læk nuor­ravuođa barnek.

5 Oasalaš dat olmai, gæn njuollalitte dievva læ dain; æi hæppad si juvsa, go vašalaǯaiguim sardnomen si læk portai sist.

128. Salma.

Dat basse lavllo, maidno ibmelbalolaǯa buorre oase ja buristsivnadusa hærrast buok su dakkoi ja dillai, 1–6.

1 Lavla (tempali) bajas manadedin.

Audogas læ juokkaš, gutte hærrast balla, gutte su gæinoi mield vagjol. Sal. 119, 1.

2 Du gieđaidad barggo, dam oaǯok don navdašet; audogas don læk, ja burist dunji gævva.

3 Du akka læ nuftgo šaddulaš vidnemuorra du dalod sist, du manak nuftgo olljooavsek du bævdad birra.