18 Hærra maidnot datom su vanhurskesvuođa mield, ja gittalusain lavllot hærra, dam alemus, nama.
8. Salma.
David maidno Ibmel, go son, gæn nabma læ nuft hærvas, ja gæn sivnadussa læ nuft stuores, 2–4, almaken erinoamaš lakkai fuollam læ olbmust ja sunji læ addam famo, mi dam ibmelaš famo lakkasaš læ, daina go bijai su hærran obba ædnam bagjel, 5–10.
Go olbmuluonddo aive fal Kristus sist fastain læ čuoǯǯaldattujuvvum su algo hærvasvuođa dillai, mi suddo boft læi lappum, de læ bassevuoiŋ, čilgidedin dam audeb hærvasvuođa, čilggim Kristus hærvasvuođa. (1 Kor. 15, 27. Ebr. 2, 6–9).
1 Lavllomoapatægjai Githith[1] mield; David salma.
2 Hærra, min hærramek, man hærvas læ du namma
obba ædnam bagjel! don, gutte albmai læk bigjam du
hærvasvuođa. v. 4. sal. 19, 1. .; 104, 1. 2. Es. 40, 26.
3 Smavva ja njamme manai njalmest vuođđodam don
læk (aldsid) væǥa du vuosstaičuoǯǯoidad ditti, vaššalaǯa
ja mavsohalidægje javotuttem ditti. Matth. 21, 16.
4 Go du alme oainam, du suormaidad daǥo, mano ja nastid, maid don læk rakadam:
5 Mi læ dalle olmuš, atte su don muitak, ja olbmu
bardne, atte su don oappaladdak. Job 7, 17. sal. 144, 3. Ebr. 2, 6–9.
6 Ja don dakkik su uccanaš vuollebun go Ibmel, ja gudnin ja goargoin don gudnejettik su.
7 Don dakkik su rađđijægjen du gieđaidad daǥoi
bagjel, buok su julgi vuollai don bigjik. 1 Mosesg. 1. 28; 9, 2. 1 Kor. 15, 27. 45. 47.
8 savcaid ja vuovsaid, buokaidrak, ja vela mæce spirid,
9 alme loddid ja ave gulid, dat, mi ave balggai mield læ mannamen.
10 Hærra, min hærramek, man hærvas læ du namma obba ædnam bagjel!
- ↑ Daidda čuojatam rakanas gavpugest Gathest.
