2 Nanos læ du truonno doluš aige rajest; aǥalašvuođa
rajest don jo læk. Es. 44, 6.
3 Dænok bajedek, hærra, dænok bajedek jenasek,
dænok bajedek sin marhaidæme. Sal. 46, 4. 7. Es. 17, 12. 13.
4 Æmbo go ædnag hærvas čaci ja ave marhaidægje
čaci jedna, læ hærra hærvas allagasast. Sal. 65, 8; 89, 10. Es. 17, 12. .
5 Du duođaštusak sagga oskaldasak læk; du vissui
hæivve bassevuotta, hærramek, nuft gukka go bæivek
bisstek. Sal. 19, 8; 25, 10.
94. Salma.
Dat basse lavllo goččo oskolaǯai nabmi Ibmel rangaštet ibmelmættomid, gæi mænoid son čajet, 1–7; čajet, atte jallagvuotta dat læ gaddet, atte Ibmel daid i vuttivalde, 8–11; audogasak, gæid hærra oapat dorvosek su ala bigjat, gutte aiggasis olbmuides væketet aiggo, 12–15, buok hæđest ja vadost læ Ibmel oskolaš olbmu bataramsagje ja jeđđitus, 16–23.
1 Don mavso Ibmel, hærra! don mavso Ibmel, almostatte
ječčad hærvaset. 5 Mosesg. 32, 35; Rom. 12, 19.
2 Bagjan, don ædnam duobmar, adde mavso boattet
čævlas olbmui bagjeli. Sal. 7, 9; 28, 4.
3 Gukkago galggek ibmelmættomak, hærramek, gukkago galgek ibmelmættomak avost ællet?
4 Si golgatek, si sardnuk hæpadlaš sanid; buokak, guđek bahaid dakkek, ramadallamen læk.
5 Du olbmuidad, hærra, si cuvkkijek, ja du arbad si givsedek.
6 Læska ja vieras olbmu si goddek, oarbbasid si sorbmijek.
7 Ja celkkek: hærra i oaine, ige Jakob Ibmel fuobmaš. Sal. 10, 11. 13.
8 Vuttivalddet, di jiermetæmek olbmui gaskast, ja di jallagak, goas aiggobættet di jierbmagoattet?
