10 I mikkege bahaid dunji dappatuvu, ja i mikkege givsid lakkanæmen læk du pauluni.
11 Dastgo engalides du birra son goččo, du varjalet
buok du gæinoidad ald. Sal. 34, 8. Matth. 4, 6.
12 Gieđaidæsek gavai ald dak guddek du, amad
juolggad don nordestet geđge ala. Sal. 121, 3.
13 Lægjoni ja dæččalaggai ala don galgak mannat,
nuorra lægjonid ja gærbmašid don galgak ædnami duolbmat. 5 Mosesg. 8, 15. Mark. 16, 18. Luk. 10, 19.
14 Dastgo munji son miellastuvva, ja su mon bæsstet datom; su aledet datom, dastgo muo nama son dovdda.
15 Muo son čuorvvo, ja sunji vastedet datom; su lut
læm hæđest, datom su gagjot ja su gudnjettet. Es. 41, 10; 65, 24.
16 Gukkis ællemin su galletet datom ja addam su
oaidnet muo besstem. Sal. 50, 23.
92. Salma.
Dat basse lavllo duođašta man buorre dat læ Ibmel gittet ja maidnot, 2–4, go su daǥok nuft stuorak læk, atte jallas olbmuk æi daid arved: Son luoitta ibmelmættomid šiega dille adnet sigjidi aldsesek hævvanæbmen, mutto ibmelbalolaǯai oasalašvuotta bissta alelassi, 5–16.
1 Salma, sabbatbæive lavla.
2 Buorre læ hærra maidnot ja du namad lavllot,
don alemus Ibmelæmek! Sal. 147, 1.
3 iđđedest du arkalmastem muittalet, ja ijain du oskaldasvuođa.
4 loǥe suodnasaš sitar ja harpa mield, sitar fieđolaš čuojatusa mield.
5 Dastgo don illodattak muo, hærra, du daǥoinad; du gieđaidad dujin mon sagga avvodam.
6 Man stuorra læk du daǥok, hærra! sagga čiegŋal
læk du jurddagak. Sal. 40, 6; 104, 24. Rom. 11, 33.
7 Jiermetes olmai dam i dovda, ja jallas olmuš dam
i arved: Sal. 73, 22.
