2 Hærra, muo besstujume Ibmel! bæive ja ija du
oudast mon čuorvom. Sal. 22, 3.
3 Adde muo rokkus du čalmidad ouddi boattet, sojat du bæljad muo vaiddelussi.
4 Dastgo gallanam givsin læ muo siello, ja muo ællem jo lakka boattam læ jabmi aibmoi.
5 Mon adnujuvum nuftgo si, guđek roggai vuolas mannek, læm nuftgo olmai apidestaǥa.
6 Jabmi særvest čulddujuvvum læm (du[1] lut),
nuftgo goddujuvvumak, guđek havdest orruk, gæid don
ik šat muite, ja guđek du gieđa vuold erit ærotuvvum
læk. Sal. 31, 23.
7 Don læk bigjam muo čiegŋalvuođai roggai, sevdnjis
baikidi, bodnetesvuođaidi. Sal. 18, 5, 6.
8 Muo ald dædda du moarre, ja buok du baroidadguim
givsedak don (muo). Sal. 69, 3.
9 Muo oapes olbmuid gukkas don læk gaidedam
muo lut, dakkam don læk muo stuorra fastesvuottan
sigjidi; viesso munji læ dappujuvvum ja olgus im bæsa. Sal. 31, 12; 38, 12.
10 Čalbme must goikko varnotesvuođa boft; du
mon čuorvom, hærračam, juokke bæive, du vuosstai
gieđaidam geigim. Sal. 6, 8.
11 Jogo don daǥak oavddodaǥoid jabmidi, daihe
jogo jamičak bagjanek ja maidnuk du? Sela. Sal. 6, 6; 30, 10; 115, 17.
12 Jogo havde sist muittaluvvu du armogasvuođa birra, du oskaldasvuođa birra guoccagæme sist?
13 Jogo du oavddodakko šadda dovdosen sævdnjadassi ja du vanhurskesvuotta vajaldume ædnami?
14 Mutto mon – du hærračam, mon čuorvom, ja
iđđedest boatta muo rokkus du ouddi. Sal. 5, 4.
15 Manne, hærračam, hilgok don muo sielo? manne
čieǥak don du čalmidad muo oudast erit? Sal. 22, 2; 13, 2; 44, 25.
- ↑ dat læ: erit bigjujuvvum du balvvalusast ja dam boft du fuol adnemest.
