Page:Salmai girje.pdf/124

From Wikisource
Jump to navigation Jump to search
This page has been proofread.
120
87. 88. sal.
Salmai girje.

87. Salma.

Dat basse lavllo maidno Sion, dat læ, Ibmel girko hær­vasvuođa, 1–3, ja atte bakeni dievasvuotta galgga šaddat girko latton, ja læt dam manak ja olbmuk, ja vela, atte besstujubme ja audogas avvo galgga læt Kristus sist, 4–7.

1 Korah manain; salma, lavla.

Dat sust nannijuvvum[1] læ (vuođđoduvvum) basse vari ala. Es. 14, 32.

2 Hærra rakkasabbun adna Sion portaid go buok Jakob viesoid. Sal. 68, 17.

3 Hærvas saǥak læk celkkujuvvum du birra, don Ibmel gavpug. Sela. Sal. 46, 5. 6; 48, 2. .; 132, 13. . .

4 Bægotam Rahab[2] ja Babal dai gaskast, guđek dittek muo; gæč Filistalaǯaid ja Tyrialaǯaid ja Æthiopalaǯaid: Dat læ dasa rieǥadam. Es. 19, 21. sal. 45, 13; 68, 32; 72, 10.

5 Ja Sion birra šadda celkkujuvvut: juokke oft dasa rieǥadam læ; ja son, dat alemus, dam nannijægje læ. Es. 44, 5.

6 Hærra lokka, go olbmuk čallujuvvujek, (ja cælkka): Dat læ rieǥadam dasa. Sela.

7 Ja guđek lavlluk ja danssuk (cælkkemen læk): Buok muo agjagak læk du sist. Jer. 31, 12. 13. Sal. 36, 9.

88. Salma.

Heman rokkadalla Ibmelest besstujume su stuorra varno­tesvuođast ja siellobalost, man sist son dovdda ječas Ibmel moare vuold jabmem hæđest, 2–19.

Go lavllo, nuftgo gillajægje ibmelbalolaš, læ ouddagovva gillajægje Messiasest, sistes adna dat salma enostusa Messias birra ja su cælkkemættom siellobalo birra, go buokak su guođ­đemen legje.

1 Lavla, salma Korah manain; Lavllomoapatægjai; al Makalat leannot,[3] Heman Esrakitalaš olbmu oappo.

  1. dat læ: Sion.
  2. dat læ: Ægypten.
  3. daidda: davda (dat læ gæččalusa) birra gifsen.