Page:Rime.diverse.in.lingua.genovese.Bartoli.Pavia.1588.djvu/8

From Wikisource
Jump to navigation Jump to search
This page has not been proofread.


RIME DIVERSE,
ALLA GENOVESE

DEL SIG. PAOLO

FOGLIETTA


Quando a ro ben, e mà ben hò pensaou.
Ch'Amò me fà sentì seira, e mattin.
Da ri sue ferri me dexiro infin
Come un bello Capon, d'esse crastaou.

Ma in cangio de crastame, o m'hà tiraou.
Tente freccie che puoero un porco spin.
E quando in Mà me bagno puoero un zin.
De sorte esta fraschetta m'hà infiraou.

E puoe che o n'hà chiu freccie esto pissè
Che a mi chi ro bersagio d'Amò son
I hà tirè tutte est'orbo barestre;*

O se m'accosta chian d'aregueiton
E dro so fuoego chiu d'ogn'atro rè
Re freccie accende, si che bruxaou son.