1242. On adoptas unanime biciklo vice bicikleto, e konseque biciklego vice (la olda) biciklo [IV, 234].
1243. On adoptas bilorneto vice binoklo (anciena senco).
1244. On adoptas birko vice betulo (IV, 662).
1245. On adoptas bufar, ed on vicigas bufo per bufono o bufonkantisto (IV, 9, 203).
1246. On adoptas cemento vice cimento, e cementacar vice cementar (V, 29).
1247. On adoptas unanime centono [DEFIS] por : D. Cento, Flickwerk; E. cento; F. centon; I. centone; S. centon, en la kazo ke la sufixo -on esos supresita (videz decido 1219).
1248. On adoptas unanime cimitaro vice cimitero [IV, 65; III, 322], duyongo vice dugongo propozita [III, 230, 414], orangutano vice orangutango [III, 229, 414]. Videz por la tri vorti : IV, 567.
1249. On repulsas l' uzo di cirke por D. ungefähr, F. environ (IV, 212).
1250. On adoptas unanime cirkum (prepoziciono) vice cirke[1], e cirko vice cirkuso.
1251. On adoptas unanime debochar, defekto, devorar vice dibochar, difekto, divorar (IV, 712).
1252. On adoptas demisionar vice demisar.[2]
1253. On decidas, ke dronar havos tranzitiva senco[3] (V, 492).
1254. On adoptas unanime emalio vice esmalto [IV, 712].
1255. On adoptas unanime esparseto vice onobriko (III, 297, 412; IV, 107).
1256. On adoptas unanime etiko vice moralo, restriktante morala a lua propra senco : « qua relatas la mori » (IV, 233).
1257. On adoptas unanime evoluciono vice evoluco, e konseque la verbo evolucionar[4] [IV, 170].
1258. On adoptas unanime involuciono vice involuco (IV, 170).
1259. On adoptas exportacar vice exportar, ed importacar vice enportar, komercala senco (IV, 411, 713).
1260. On adoptas fermento vice zimo e fermentacar vice fermentar [IV, 170].
1261. On adoptas unanime fiancar vice fianc-igar, e konseque fiancito vice fianco [IV, 597].
