t. e. kande ol ne divenas vera substantivo): to quo varias esas la substantivo o la pronomo, qua akompanas ol: e l'artiklo, en tala kazo, divenas vera pronomo. On dicos exemple: Ek ta rozi, prenez lu blanka; o prenez li blanka 1.
La pronomo lu, li (kun sa diversa formi) havas la valoro di generala demonstrativo », ed on devus dicar: lu qua... (F. celui qui...).
Se la kozo ne esas determinita (kazo en qua nia lingui uzas l'artiklo nedefinita), on uzos simple ulu, uli (on savas ke ula esas nia artiklo nedefinita). Ex.: yen omnaspeca rozi, prenez nur uli blanka.
Aparas nur un malfacilajeto kun la verbi atribuiva. Me preferas lu (li) blanka semblas signifikar: F. Je la préfère blanche, je les préfère blanches. Ma esas facila vidar, ke to esas elipso»: l'ideo esas me preferas ke lu (li) eser blanka, e konseque on devas dicar me preferas lu (li) esar blanka. Generale, omnafoye kande adjektivo esas atribuita a nomo, la verbo esar esas tacita, e devas supleesar: «Me judikas la vino esar bona. Me trovis mea filio esanta malada ».
P. ODON DE RIBEMONT.
Rimarko. - Okazione, ni volas montrar, ke la nuna formo di la pluralo di l'adjektivi nule esas kontre la logiko, quale asertas la kritikanti. L'adjektivo esas ya esence nevariebla, tam longe kam ol akompanas nomo (quo esas sa rolo). Ma kande ta nomo mankas (pro ke ol esas tacita, e facile divinebla), quo indikos la pluralo? Nu, nur la finalo -i di la plurala substantivo ipsa, quan on tacas. Ex.: prenez la bela pomi e lase; la malbela -i: ico esas nur abrejuro di: la malbela (pom)-i. On tacas la radiko pom, jus enuncita, por ne repetar ol malagrable; ma l'ideo restas en la mento, ed ek la substantivo restas nur la signo di pluralo : -i. Ol juntesas skribe a l'adjektivo, ma reale ol riprezentas la substantivo, di qua ol esas reziduo e memorigilo. Do nia regulo di la pluralo di l'adjektivi konstitucas nula reala ecepto a la nevariebleso di l'adjektivi, e ne povas kritikesar de la logikala vidpunto. Kom- preneble, la kazo esas diversa, kande l'adjektivo divenas ipsa substantivo, nam lor la substantivo neplus esas tacita. La bono havas logikale quale pluralo: la boni.
Pri l'adjektivo substantivigita.
So LAPEYRE (Agen) admisas la konvencionala regulo, ke l'adjektivo nemediate substantivigita indikas prefere persono (kande to esas posibla); ma il questionas, ka ta regulo esas obediata en la sequanta exempli :1. Same on devus dicar: In mea, li mea, nam mea esas hike nur adjek- tivo, e l'artiklo esas vera pronomo (vicanto di nomo).
