Respondo. - Ne esas justa pozar sur mea propozi la responsiveso pri la diversa formi, senco e senso e c., pro ke li ja, e kun bona motivo, existas. Me opinionas, ke la nuna sistemo genitas plu granda, od almene tam granda, dubi, kam la mea. Exemple, pro quo skribar danso e defenso (l'angla vorti esas dance e defence), ma anunco? Ultre, formi quale sienso, pronunsar, anunso, danso e c. havas la grand avantajo esar absolute fonetikal. Kontre, nulu pronunsos la t en anunco. G. M.
Pri la pluralo.
Nia samideani rigretas, e nia opozanti riprochas, ke ni ne havas unika regulo por la pluralo. Ton me ja propozis emendar per la regulizo, quan Progreso publikigis (n° 24, p. 715) 1.
Ca regulizo simple aplikis ula certa principi admisata da omni me ne postulas ke ol esez tote adoptata, ma me tamen itere pregas, ke l'akademio atencez pri la dedukti, qui sen enduktar nuva formi plu bone uzas oli existanta.
Esez do permisata memorigar:
1 Ke la nomi esas lor substantiva, lor adjektiva, e ke la pronomi simile dividesas en substantiva ed adjektiva.
2 Ke la funcional indiko di la noma o pronoma substantivi en la pluralo esas i.
3 Ke la funcional indiko di la noma o pronoma adjektivi esas nevarieble a.
4 Ke l'artiklo avan substantivo esas adjektiva.
5 Ke l'artiklo avan ul adjektivo sen substantivo vicas pronome e personale la substantivo e konseque finas per u en singularo e per i en pluralo.
6 Ke l'artiklo en pluralo, avan substantivo sen pluralo esas idiotisma e ne devas esar literale ma equivalante tradukata.
7 Ke omna vorto funcionanta quale adjektiva nomo ne indikas persona objekto ma nur obyektal modo e konseque ne varias: inverse la sama vorto indikanta, ne la modo, ma la persono di l'objekto, esas substantivo e konseque varias.
8 Fine, ke la vorti nedefinita devas aparte konsideresar; nam ni havas:
(a) la nomo substantiva nedefinita, ulo, omno, qua ne povas esar plurale uzata.
(b) la pronomo substantiva nedefinita (personala), ulu, omnu, qua finas per i en pluralo quale indikanta la persona obyekto.
(c) la pronomo adjektivo nedefinita, ula, omna, qua nultempe varias.
Konseque, l'adjektivo esas sempre nevariebla (quale adjektivo,1. Komp. N 29, p. 377-
