lu riprezentas. Ex. se on dicas : Ta artisto piktis ica domo, to signifikas, ke il riprezentis ol en ula pikturo ; sed to povus signifikar, ke il ornizis ol per pikturi, simile a la « piktisti di domi », qui kovras la muri (interna od extera) per koloro. Pinsel-agar esas tro longa ed expresas poke altra ideo (F. badigeonner : ex. en medicino on pinselagas per iodo-alkoholajo, ec.). Ni propozas do la verbo indutar. Indut-o, ‑uro signifikus F. enduit, couche (de peinture), qua mankas ankore a ni. La vorti indutar, induto esas Portugalana, sed memorigas facile F. enduire, enduit.
Pri ta du propozita vorti, Germana ciencisto opinionas, ke li esas malbona e nefortunoza : unesme, pro ke anuo preske ne memorigas Annalen da la Germani ; duesme, pro ke ol memorigas da li precipue anuso, e mensuo precipue menstruo : du sugesti malagrabla ed adminime ne oportuna.
So Boirac parolas pri « la specifika diverseso di la radiki », sed la nuda fakti refutas il.
- util-i esar utila.
- am-i amar.
- kron-i kronizar.
Ube esas la diverseso di la radiki, se ol ne aparas en la derivo, se on povas derivar de diversaspeca radiki per la sama sufixo ed on ricevas nula diversajo ? Kad So B. dicos : La diverseso existas, quankam ol nultempe aparas. Co esus famoza filozofio !
So Duthil (Reims) propozas, por solvar la malfacilajo, konciliante la regulozeso kun la klareso, supresar simple la d di dek e dicar : duek, triek, quarek, e c.
On devus memorar, ke existas multa homi, precipue negri, cirke 100 milioni, qui ne povas klare ed bone pronuncar av, sed povas facile, e fakte preske sempre pronuncas ab. Pluse, me kredas ke ab komprenesus plu rapide e klare da omni.
A la motivi donita da So Senigallia (p. 734) por preferar dez kam des, on povas adjuntar, ke dez esas plu facile pronuncebla e plu muzikala kam des.
