warant-o [DEFIS], ricev-atesto pri vari pozata en dogan-depozeyo.
La « yuna filologo », qua esas la lasta remparo di la Fundamento, en manko di omna membri di la Lingva Komitato (kredeble tro okupata da la kolektado di la nuva « Zamenhofaj vortoj »), asertis, ke ni enduktas multa radiki neutila, quin Esperanto tre bone vicigas, sive per ja existanta radiki, sive per derivaji e kompozaji. Ni volas examenar kelki de ta asertita equivali.
Ido faro Esp. lumturo : quale Esp. dicos : « la faro di la turo Eiffel » ?
Ido absenta Esp. forestanta : en teatro, la max forestanta asistanti malbone audas ; li ne esas tamen absenta.
Ide absolvar Esp. malkondamni, — o ne-kondamni ? Kad existas ulo meza inter absolvo e kondamno ? Do la Esp. derivajo ne esas plu justa kam klara. Ol similesas malpermesi, malvivi, malesti, e c. Kad absolvi esas malkondamni, o kondamni esas malabsolvi ? Reale, la du idei esas nedependanta, do postulas aparta radiki. Se on volas tante trouzar mal‑, pro quo Esp. dicas estingi (extingar) vice malekbruligi, od ekbruligi vice malestingi ?
Ido adosar Esp. alapogi : me povas « alapogi » me a muro per manuo, kubito, flanko, kapo…, adosar apogar per la dorso.
Ido temerara Esp. nepensita. Esas tute altra kozo, falar nepensite en ula danjero, ed afrontar ol koncie, sed temerare.
Ido obstaklo Esp. malhelpo. Existas multa malhelpi e mem malhelpili (plu klare : impedili) qui ne esas obstakli. Kad kuranta kavalo supersaltas malhelpi, od obstakli ?
Ido adherar Esp. alighi : alighi divenar ad…? esas certe plu klara, plu rekonocebla por omni kam l internaciona adherar !
Ido acensar Esp. supreniri, decensar malsupreniri. Se ta vorti esas tante komoda, pro quo la Maestro ipsa propozis soriri e sobiri ?
Ido supresar Esp. neestigi : neestigi signifikus plu juste nuligar, destruktar, kam supresar.
Ido deviacar Esp. devojighi : t. e. divenar de voyo ? Ta kompozajo komplikita e malklara esas plue nejusta : kad on audacos parolar pri la devojigho di la magneta agulo (ne : kudrilo !) ? Kad la magneta agulo havas voyo ?
Ido mariajar Esp. edzigi : certe preferinda : la radiko edz esas tante klara, tante internaciona !
- ↑ Ni uzas asertita por tradukar D. angeblich, E. pretended, F. prétendu. To ne esas la sama ideo kam tale dicita.
