Ni preparas Suedana Guidlibreto e Duesma Lektolibro ; plue Dana, Holandana e Suedana Klefili.
Ni memorigas, ke nun ica 12a numero finas la unesma yaro di nia revuo, e ni konsilas a ti, qui volas ricevar la sequanta numeri, renuvigar quik lia abono.
On ofte audis pri la fruktoza tereno qua esas en la sudala stati di Usono, nomizita « Mississippi » e « Louisiana », sed forsan tre malmulta personi tute komprenas la granda valoro di ta tereno por la produktado di frukti e legumi. Ol esas sendube tam fruktoza kam ta di la valo di fluvyo « Nil ». On recente komencis plubonigar kelka distrikti en stato « Mississippi », per granda sistemo di drenado di la tereno, nam ol esas sub la nivelo di l’aquo en la vicena riveri. La lasta, tamen, kompreneble havas fortega digi segun olsa rivi por impedar l’aquo qua altre inundus la tereno. Multa stranjeri (veninta de diversa landi) nun habitas ta teritoryo, pri qua on publikigas broshuri en angla, germana, hungara ed italiana, senpage ricevebla. La administrantaro di la fervoyo en ta distrikto forsan konsentus (senpage) publikigar nuva libreto en Ilo (facile lektebla internacione, ye l'unesma vido). On devas nur konvinkar li ke multa personi, qui komprenas Ilo, vere interesijas pri l’afero, de vidpunto tute pratikala.
Ni sendez demandi pri tala cirkuleri, per postal-karti (skribita en angla od en Ilo) ad Sioro Kapitano J.-F. Merry, Manchester, Iowa, U.S.A. (Usono). Il probable ne havos sat tempo por respondar per letri ad omna demandanti, sed il povus konservar tala adresi til ke il fakte esos publikiginta libreto en Ilo.
Utila avizo. — So Waltisbühl pregas la samideani, qui adheras a l’Uniono, afrankar suficante lia letri (25 centimi exter Suiso), e sendar suficanta mono por equivalar a fr. 1,25 (il ricevis de Anglio sumi de fr. 1,20). Il ne povas aceptar post-marki quale pago, sed nur internaciona respondo-kuponi. Pri ta recenta institucuro, qua ne semblas sat konocata, il memorigas, ke ta respondo-kuponi vendesas en omna posto-kontori di l’ Universal Postal Uniono po 30 centimi, e repagesas da omna altra kontoro per post-marko de 25 centimi. Sed por esar valida, omna kupono devas portar la stampuro di l’ emisanta kontoro sur la sinistra mi-sfero (ne sur la dextra, qua devas ricevar la stampuro di la paganta kontoro.
Abrejuri : D. germana ; E. angla ; F. franca ; G. greka ; I. italiana ; L. latina ; R. rusa ; S. hispana ; LI. linguo internaciona (generale). La artikli en altra linguo kam Ido esas indikata per steleto ( * ) en komenco.
Le gérant : L. Couturat.
PARIS. — IMPRIMERIE CHAIX (SUCCURSALE B), 11, BOULEVARD SAINT-MICHEL. — 6-09.
