Jump to content

Page:Progreso - 1a yaro.pdf/311

From Wikisource
This page has not been proofread.
297
LINGUALA QUESTIONI

superesar tuta seryo de akuzativi[1]. Sed unesme, la formuli esas preske idiotismi, aparte galicismi; nam esas multe plu logikal dicar multa homi, kelka personi kam dicar : multe da homi, kelke da personi, quala en franca on dicas : beaucoup d’hommes.

Mem kun kontinua quantajo, da esas tute neutila, e ni dicas : multe o multa aquo, kelke o poke pano, sen ula detrimento. To esas la angla e germana uzado (etwas Brot, some bread) ed ol esas samtempe plu simpla e plu logikal kam la franca. Kad on dicos ankore ke la logiko esas arbitrial postulo di la franca reformisti, qua celas nacionala tendenci?

Duesme, ta remedyo ipsa kondamnas l’ akuzativo : nam en tala kazi ol tute malaparas, e nulo plu distingas la obyekto de la subyekto; exemple se on dicas « multe da Franci konocas kelke da Rusi ». Or, se l’ akuzativo povas malaparar en ta kazi, ed esas vicata da la vortordino, pro quo to ne povus eventar omnaloke?

Ta rimarko esis sugestita a ni da nia samideano So R. Auerbach, qua adjuntas : « On alegis por defensar l’ akuzativo, ke esas plu facila lernar ula flexiono kam kustumeskar ad altra vortordino kam la familiara. Ton mea sperienco pri plura lingui tute ne konfirmas : malgre la « inversigi » di la linguo max uzata da me (germana), me instinte uzas la « logikal » ordino en altra lingui e sufras sento di ulo barbara, kande la germana vortordino imitesas (exemple en Esperanto). Hike (en suda Tirolo) ni havas mili de homi parolanta la du lingui (germana ed italiana), e me havas oftege okaziono por konstatar, ke li uzas automate la « normala » vortordino, mem kande li ne esas tute familiara kum la gramatiko (por expresar me jentile!).…

« Malprizeginda esas por me en EP. la germanaji quale : « la de la Francoj prezentita peticio », ed ankore plu abomeninda slavaji quale : « la prezentita de la Francoj peticio ». Me lasos la slava lingui a plu kompetenta judikanti, sed pri la germana e la holanda me asertas, ke tala inversigi certe ne apartenas a la populala linguo, e ne esas uzebla en populala diskurso nek en poezio. »

Hike So Auerbach expresas opiniono, quan ni audis expresata da bonega linguisto So Meillet, nome : ke omna europana lingui tendencas uniformigar la vortordino, ed adoptar gradoze la « normala » vortordino di la min flexionoza lingui (angla, franca). Ta tendenco esas ligita kun (o venas de) altra generala tendenco : progresa supreso di la flexioni, vicigata da partikli e da la vortordino, quan on igas signifikiva di la relati di la vorti. La praktikal sperienco di poligloto quale So Auerbach tute konkordas kun la teoriala

  1. ↑ La samo eventas kun nun, qua (on ne savas pro quo) ne havas akuzativo : en la Letero pri deveno de Esperanto on lektas : « Unu el tiuj ĉi versaĵoj,… mi metis poste en la unuan broŝuron… », e, quankam la objekto havas nula signo di akuzativo, on komprenas bona la frazo, malgre la inversigo (tam kara a la Mastro ed sa « fideluloj »!)