Page:Poesie napoletane - Ferdinando Russo.djvu/99

From Wikisource
Jump to navigation Jump to search
This page has been proofread.
97
poemetti del cuore


« Nun ce pienze? Abbandunata,
« striscetella ’e velo fino
« ca ’e mmanelle hanno sceppata
« da vicino ’o suttanino,

« cundannata sott’ ’a scopa,
« strascenata dint’ ’a mota,
« scarpesata ’a tanta gente,
« sott’ all’ acqua e sott’ ’a lota,

« nun te pare ’e sentì pure
« ca passanno a tutte ll’ ore,
« tanta gente ndifferente
« te scarpèsano stu core?...

« E 'a vuo' bene? E 'a che l' 'e vista
« tutt' 'e notte l' 'e sunnata?
« E accussì, mmiezo a sta via
« mo' me lasse abbandunata?... »

— « No! » dicette stu penziero!
« No! » dicette chisto core!
E, annascuso 'e tuttuquante,
(so' pazzie che fa l' Ammore,)

7