Page:Poesie napoletane - Ferdinando Russo.djvu/97

From Wikisource
Jump to navigation Jump to search
This page has been proofread.
95
poemetti del cuore




’O VULÀ D’ ’O SUTTANINO




Si’ na striscia 'e velo fino
cu ’o ricamo ’e seta blu;
si’ ’o vulà d’ ’o suttanino
ch’ Essa mo’ nun porta cchiù.

Chella sera, me ricordo,
tu cadiste mmano a me...
Manco muorto cchiù m’ ’o scordo,
cu 'o penziero appriesso a te!

'Ncumpagnia, (ch' affanno 'e core!)
nfra nu mutto e na resata,
cu 'a famiglia e quacche amico
cammenavemo p' 'a strata.

Io, scujeto, zitto e muto,
(scunzulato comm' a che)
quacche passo arreto a l' ate
jeva sulo, p' 'a vedè...