Page:Poesie napoletane - Ferdinando Russo.djvu/94

From Wikisource
Jump to navigation Jump to search
This page has been proofread.
92
poemetti del cuore


comm' a n' aco, me trasette
dint' 'o core, e ccà vo' sta!
E tu, doppo, seguitaste:
— Chesta è n' ata scemità!

Parla! Sèguita! Tu dice
ca so' bella e me vuò bene!
Pozzo credere a sta cosa?
Sta buscia comme te vene?

Tu 'e capito, da chist' uocchie,
ca te guardo e me piace,
e vuò fa' na jacuvella...
Va, vattè! Fatte capace!

T' acalaste, e na rusella
me scigliste 'a sott' 'o muro.
L' adduraste e po' diciste:
— Nun so' scema; sta sicuro!

Parla! Guàrdame! Sbarèa,
ma cu tte nun me ce metto...
Io, pigliànnote 'a manella,
l' accustai vicino 'o pietto.