Page:Poesie napoletane - Ferdinando Russo.djvu/90

From Wikisource
Jump to navigation Jump to search
This page has been proofread.
88
poemetti del cuore


II.

Vocca, ca ride comme ride 'o sole
e si’ cchiù fresca ’e ll’ aria d’ ’a matina,
e c' ’o sapore doce d’ ’a curvina
me puorte ’addore ca me fa sperì;

 vucchella mia, ca quanno vase accide
 pecchè nu vaso tuio murì po’ fare,
 tu, sapurita comm’ ’e frutte ’e mare,
 pigliate 'a vita ca te do’ accussì!


III.



Vocca, ca pare n' uocchio ca me guarda
quann' io te canto chist' ammore mio:
vocca, guardata mmocca pe gulìo,
buttone 'e rosa 'e copp' a nu buchè;

 vocca d 'ammore tutt' appassiunata
 ca quanno vase si' na lampa 'e fuoco,
 torna a vasarme, sulo n'ato ppoco,
 quanto m' abbasta pe murì pe tte!