Page:Poesie napoletane - Ferdinando Russo.djvu/86

From Wikisource
Jump to navigation Jump to search
This page has been proofread.
84
poemetti del cuore


Stienne sti bracce! E mmiezo a sta letizia
stringeme ’npietto, forte forte, ancora!
Damme ’a vucchella! Ncopp’ all’uocchie vàseme!
Famme campà cient’anne dint’ a n’ ora!

Comm’ ’e tre Magge, addenucchiate pregano
penziere, anema e core addò stai tu;
e chesta vocca mai se stanca ’e dicere:
« Tu sola! E dopp’ ’e te nient’ ato cchiù! »