Page:Poesie napoletane - Ferdinando Russo.djvu/7

From Wikisource
Jump to navigation Jump to search
This page has been proofread.

GANO 'E MAGANZA 5

III.


— Limone, acqua! Acquaiuolo!… — Viene 'a ccà,
ramme ¹) na giarra semprice!… Z-Tò!
'O macanzese… se farrà acchiappà?…
— Quanto ve preco… — Comme! Mo' nce vo',

e ssite vuie!… Che carte da jucà,
Gano 'e Maganza?!… È traritore, o no?!
'A sape tanto longa!… Scapparrà!…
— Gniernò!… — Gnorsì! — … Embè, e Linardo po'?

—'O spassatiempo!…²) — Ri' cientè 'e semmente!…
Addonca, te riceva… 'o palatino
nun ll'assecuta?! ³) nun ll'arriva! che?!

Faccimmo na scummessa?… — Tiene mente!…
Guè, ma vi' comm'è tuosto stu Peppino!…
L'arrivarrà, Linardo!… Siente a mme!