Page:Poesie napoletane - Ferdinando Russo.djvu/68

From Wikisource
Jump to navigation Jump to search
This page has been proofread.
66
sunettiata





GELUSIA




Ma comme! Te ne viene, me repasse
doppo ca nce aggio puosto passione,
de me cchiù manco p' 'a capa te passe,
e attuorno a chella fai l'avucellone!...

Ma me parlasse chiaro! Me lassasse!
Gniernò! Io po' me lagno e nun va buone!...
So' ggelosa, sti ccose m' 'e penzasse,
e mai na vota pozz' avè raggione!...

Accussì te ne trase, chiano chiano...
Ma 'i tengo l' uocchie vuone, bello mio!
Sti nganne 'e vede pure nu cecato!...

Che cride?! Ca me sto' cu 'e mane 'nmano?
Si v'arrivo a ncoccià, nun voglia Dio,
faccio jucà nu treno 'o vicenato!