Page:Poesie napoletane - Ferdinando Russo.djvu/67

From Wikisource
Jump to navigation Jump to search
This page has been proofread.
65
sunettiata





CARCERATE




Tu quann'iesce?—Mannaggia... Pappacone!
Songo tre anne! Pe na curtellata!
E tu? — Pe mme so' ccinche mise bbuone
c' aggio 'a sta rinto a chesta cancellata!

— Viato ¹) a tte! — Viato? Aje raggione!
Famme capì... tu tiene 'a nnammurata?
— Fusse pazzo? Passai, chella staggione!
— Io... faccio 'ammore cu na mmaretata.

— Embè? — Embè, nfino a ccà ddinto, Cristo!
ll'aggio saputo!... S' è mmisa cu n'ato!
— Overamente? Che mappina 'e scisto!

— Io pò avarria sta' sempe carcerato!
Ma mò che nn'esco! E chi s'ha visto ha visto!
Mannaggia 'o prisirente scellarato!