Page:Poesie napoletane - Ferdinando Russo.djvu/57

From Wikisource
Jump to navigation Jump to search
This page has been proofread.
55
sunettiata





II.

(mmocc’ ’o vascio)


Neh Russolè, stu scialletiello niro
quann’ ’o fernisce? ’O tiene mmano ’a n’anno!
– Ahah...! – Chisto, guè, se po’ chiammà suspiro!
Pare ’o suspiro d’ ’o Paperascianno! ¹)

E ggiro e ggiro e ggiro e sempe ggiro...
– Neh Russolè, ma pe chi staie cantanno?
– Lèvate ’a nanze! Me manca ’o rispiro!
Uffà! – Chedè! Ma che? Te sto apprettanno?!

Tiene ’a cimma ’e scerocco, ²) stammatina,
o pure ’o nnammurato t’ha lassata?
Sta ncuietata, donna Marmuttina!

– Ma tu che buò, Nannì? Lasseme sta!
Tengo delore ’e capo... sto malata...
Fallo pe Ddio!... E nun me fa alluccà!