Page:Poesie napoletane - Ferdinando Russo.djvu/56

From Wikisource
Jump to navigation Jump to search
This page has been validated.
54
sunettiata





FEMMENE...

I.

(mmiez’ ’o portone)


S Luvisè!... Siè Luvisè! Mmalora!
Me sto sbucetianno... Uh mamma mia!
Stongo alluccanno ch’è quase mez’ora!
Me fa venì n’arraggia!... ’A vattarria!

Siè Luvisella!... É morta! Niente ancora!
Puozze passà nu guaio! Arrassusìa!
’Nzaveramiento ’e me ca sto ccà fora!
Avrà lassate ’e rrecchie ’a Cunciaria!

– Che vulite, Carmè! – Nun site morta?
Che puzzate ¹) sta bona pe cient’anne!
Io mo’ steva crepanno, mmocc’ ’a porta!...

– È buono! E che vulite? Che ve manca?
– Siè Luvisè, spanniteme sti panne!
Tre savanielle e ’a vesticciolla janca.