Page:Poesie napoletane - Ferdinando Russo.djvu/54

From Wikisource
Jump to navigation Jump to search
This page has been validated.
52
sunettiata





II.

(cancariata)

Questa é la terza vorda ca ve dico
’o figlio mio lassatemillo sta!
Io songo n’ommo ’e chillo ’e l’uso antico,
e cu vuie nun ce voglio avè a che fa!

Aggio tirate ’e recchie a Federico
pecchè comme dich’io ha da marcià;
nun ha da caccià ’a capa ’a fora ’o vico
e v’assicuro ca me sentarrà!

Vuie nun me site figlio, e è troppo giusto
ca faciarrate chello ca ve pare;
addò nun c’è perdenza nce sta gusto!

Oh!... Benedetto Ddio!... Sentito mo’:
Mettimmo ca me voglio menà a mare,
me tiro a vuie appriesso?... Ma gniernò!