Page:Poesie napoletane - Ferdinando Russo.djvu/53

From Wikisource
Jump to navigation Jump to search
This page has been validated.
51
sunettiata





UOMMENE...

I.

(na partetella)


Io faccio ’e ccarte a lluongo e sta primera!
Tenevo cinco punte e mo’ so’ sette.
– Io quatto scope... – Chesta che manera!
Vuie state jenno propeto allicchette! ¹)

Vulisseve fa ’o fatto ’e l’ata sera?
Tenevo nove punte e nce perdette?...
Che furtuna!... Mannaggia Barbanera!
’O pavaie ’a partita e me ne jette!

– Ve n’aggio vinto doie... che ve ne pare?
Nce ’a facimmo, chest’auta partetella?
– Me ne stongo magnanno, morze amare!

– Chest’auta sola... Jammo! A mano a mano!...
– Noooooh!... Stasera ’a fernimmo, ’a jacuvella!
Vui nun tenite propio niente sano!