Page:Poesie napoletane - Ferdinando Russo.djvu/46

From Wikisource
Jump to navigation Jump to search
This page has been proofread.





II.


(rispunnenno)


—Riguardateve!...A voi!...Che vene a di'?
Che ntenzione avete, pe ssapè?...
Sango r''a ronna, m''ite 'a fa capì,
pe ggentilezza, 'o comme e 'o pecchè!

Nne tengo, core...! Stateme a ssentì!
Nzieme cu tutt''a rocchia! E... over' è!
Chi n''o ccreresse, è ccarogna! E accussì
ca ll'aggio ritto, 'o ppozzo sustenè!

Sapite: ll'Umirtà ca 'nzegna e 'mpone, ¹)
rice 'a canzona, si v'allicurdate,
songo 'e pàcchere ²) rate c''a raggione...

Pe ccunzequenzia, fateme capace...
Mo nce vo', simmo ggiuvene annurate...
Ch''ite ritto, si nun ve rispiace?!