Page:Poesie napoletane - Ferdinando Russo.djvu/41

From Wikisource
Jump to navigation Jump to search
This page has been proofread.





II.


—Bisse, bisse!—Vulimmo 'a Bbeatrice!
'A serenata int' 'o Buccaccio! Se'!
—Gnorsì! Pe tte mme so' fatto n'alice!
'A vulimmo! Sunate, scorze è zè! ¹)

—Sti figli 'e porca! Don Gennà, che ddice,
'a sunammo?...—Vattenne! Ma cherè! ²)
Lass' 'e ccantà!...—Salute a chist'amice!
—Bonanotta!...—Acccurdate, don Viciè!

—Chiòvano torze 'a copp' 'a picciunara!
Don Gennà! Ma si' ttuosto? E jammo bello!
Cuntentammo a sti figlie de janara!

—Ah! Mo' 'iza 'o telone Pascariello...
Meglio accussì!...

—«Meschino!... Sol nel bosco,


di nottetempo... con quest'aere fosco...!»