Page:Poesie napoletane - Ferdinando Russo.djvu/402

From Wikisource
Jump to navigation Jump to search
This page has not been proofread.


SCHIATTIGLIA ')

— Io ve saluto... — Io pure! — Comme state?
— Bene !! — Che d’ è ?... Nun ve sentite bona?...
Faciteme a vedè... Che ricamate ?...
— Nun voglio fa a vedè!! Nun so’ patrona?!

— Patrona e meza, gioia mia !... Scusate !...
Ma... permettete... ma fa mpressiona
stu musso... sti rrisposte puntiate...
Che v’ aggio fatto ? Na mala azziona ?

— Nun ’o ssaccio !... Me chiammano ! Bongiorno !...
— Ma, pe ssape’... che Cristo t’ è afferrato ?
— Mpiso! Nce vo’ na bella faccia ’e cuorno !...

Si’ stato visto ajere, ncumpagnia !...
— .... Chell’ era ’a figlia... d’ ’a mamma... d’ ’o frato...
— D’ ’o sfurcato che ssi’ !!.... (L’accedarrìa !)