Page:Poesie napoletane - Ferdinando Russo.djvu/398

From Wikisource
Jump to navigation Jump to search
This page has not been proofread.


CARMENELLA

CHILL ’ uocchie nire ’e Carmenella mia
te nchiuvàvano ’a gente a ciente passe !
E chella vocca ! Era na frenesia !
C'addore e che sapore d’ananasse !

Io mo’ vulesse ca s’ allicurdasse
quanno ’a scuntrai arreto 'a Vecaria!
Vurria vedè si se ne ridarria
comm’ a tanno, e si ancora arrepassasse !

E si tanno ’a sparai ma n’ ’a cugliette
e m’ arrestaino comm’ a nu chiachiello
pe causa ch’ ero ancora nu guaglione,

mo’ pe sfreggio, pe sfizzio e pe dispiette
m’ ’a guardasse cu ll’uocchie a zennariello )
e lle facesse l’ atto c’ ’o bastone... s)