Page:Poesie napoletane - Ferdinando Russo.djvu/397

From Wikisource
Jump to navigation Jump to search
This page has not been proofread.


’A ZEPPULAIOLA *)

TANT'ANNE fa, quann’era viva ’a nonna,
Cannetella era ancora 'a capa nenna!
Teneva na faccella tonna tonna,
era cchiù bella e leggia de na penna.

Pareva 'e na rusella ’a meglia fronna,
cu nu cunfietto faceva marenna...
Mo’, si ’a vedite, mannaggia ’a culonna!
pare ’mpastàta cu cucozza e vrenna !

Culetta ’a Chiatta m’ ’a mettite ’e parta !
Cannetella è tre vote a Sandunato !
Venne ’o baccalà fritto dint’ ’a carta.

Ha truvato a nu tale e s’ ’ha spusato.
’A sera ’o vatte. Fanno sempe un’ arta !
Ma a tutt’ ’e ddui ’e vatte 'o nnammurato.