Page:Poesie napoletane - Ferdinando Russo.djvu/393

From Wikisource
Jump to navigation Jump to search
This page has not been proofread.


SI FOSSE CAMMURRISTO...

Si fosse cammurristo e si vulesse,
ogn’ommo meglio ’e me me rispettasse!
Vedènnome, ’e cappiello me facesse,
e apusarrìa chello ca m' attuccasse!

Sempe ’a cchiù bella rònna io me tenesse,
e p’ogne pilo stuorto ’a ntussecasse;
cu tutto chesto, pe mme stravedesse,
e p’ ’e puntune, ’a notte, me chiammasse...

E quanno po’ na spia me se facesse,
e quanno ’a Pulezzia me pezzecasse
e a « San Francisco » ’o ffrisco me mettesse,

pe spassatiempo, a cantà me spassasse:
«Vurrìa saglire ncielo si putesse,
cu na scalella d’oro ’e ciento passe...» ')