Page:Poesie napoletane - Ferdinando Russo.djvu/378

From Wikisource
Jump to navigation Jump to search
This page has not been proofread.


— Mannaggia ’o ciuccio ’Averza! *) Cuntrattammo,
quinnece franche tutto Piedegrotta,
è cumbinato e bello, io metto sotta,
a nomme r’ ’a Maronna, e cammenammo...

Embè... rico accussi... sto tutta ’a notta,
po’ me lusinghe ca nce mbriacammo,
po’ te ne viene... ’o cavallo ’e recotta !
Ma... comme fosse... a che juoco jucammo ?

Jenno cernenno, ’a vèppeta ’e ri’ reta! *)
Meza fresella e nu soldo ’e maruzze !
E chissi ccà so’ ll’uommene ’e muneta!

’O puorte 'a casa, pava e guarda stuorte!
Tu vire Ddio! Va llà, stommaco ’e struzze!
LI’aggio jencuta na carretta ’e muorte!