Page:Poesie napoletane - Ferdinando Russo.djvu/374

From Wikisource
Jump to navigation Jump to search
This page has not been proofread.


II.

Ah !... Pat’ Eterno, fallo fa’ na morte !
Chello c’ abbusco s’ ’o mmagna tutt’ isso !
’E quatto gamme? Tutt’ ’e quatto storte!
Mannaggia... Bbeneritto ’o Crucefisso !

Ddiece lire ’a semmana !» E chesto è ’o fforte !
Sto scuntanno accussi... Signò, n’abbisso!
E che se fa afferrà, si nun ’e pporto ! ‘)
E chesto me succere spisso spisso !

Stu casciabbanco, 2) a ddiece lire ’a vota
me spremmarrà na ciento-lira sana !
Ll’ opera è quanno nun ve corre, ’a rota !

State fermate a jjuorne mmiezo ’o puosto,
po’ ’a Pruvverenzia ve stenne na mana
pe ve mannà nu miezo franco tuosto !