Page:Poesie napoletane - Ferdinando Russo.djvu/373

From Wikisource
Jump to navigation Jump to search
This page has not been proofread.


Vi

CARRUZZELLE 'E NOTTE

I.

— SIGNÓ, chillo ’o cavallo è bicchiariello,
capite ? Affanna assai nfaccia ’a sagliuta...
Primma, gnorsì ! Tenevo ’o pulletriello...
Mannaggia ’a bella sciorta c’ aggio avuta !

Ah!... *) Si nce penzo ! Ma quant'era bello!
Che bello sturno ! E che bella saluta !
M’era venuto propeto a ciammiello, ')
pe nu ciammuòrio 3) ’a sciorta aggio perduta !

Che ssa, che lle scennette ! Int’ ’a ttre ore
facette ’e rrecchie fredde... e santanotta...!
Meglio, signò, na curtellata ’n core!

Chisto ccà ? Chisto è propio nu scassone !
Muscio int’ ’e mmecce! *) Pare na recotta !
Peggio, signò... ! Tenite nu mezzone ?