Page:Poesie napoletane - Ferdinando Russo.djvu/372

From Wikisource
Jump to navigation Jump to search
This page has not been proofread.


TU !

NUN me ne scordo. ’Ntiempo ’e primmavera,
’a primma vota nce si mino guardate.
Tu m’ aspettave affacciata ogne sera...
Che belli tiempe c’ avimmo passate !

A poco a poco, comme squaglia ’a cera,
chilli belli mumente so' squagliate !
Sta vita me s' è fatta nera nera,
ll’ ore d’ Ammore se ne so’ vulate !

Guàrdame ’nfaccia ! Songo addeventato
n’ ata cosa, n’ at’ ommo, Anema mia !
Sto ascenno pazzo, nun me fido cchiù !

Nce pare tanto, ca stongo malato... !
Chi m’ ha fatta venì sta malatia ?
Pàssate ’a mana p’ ’a cuscienzia : — Tu !