Page:Poesie napoletane - Ferdinando Russo.djvu/35

From Wikisource
Jump to navigation Jump to search
This page has been proofread.



NA 'MMASCIATA


—Neh, giovinotto!... A vvuie, seh! Na preghiera!...
Ascite 'a ret''o vico pe ttramente!
—Ch'è stato?...—Nu mumente! Tu ogne ssera
aspiette a Peppenella, 'o Sacramente!... ¹)

—Addò! Gniernò!...—Gnorsì! N'auto mumente!...
Sa' che t'aviso?... E nun fa 'a faccia 'e cera!
Va porta passïanno 'o sentimente
mmiezo 'e vvicine toie!... Pe quant'è vvera

chella bella Maronna 'Mmaculata,
mannaggia 'a Vecaria, mo' t' 'a spertoso, ²)
sta panza 'e vierme, cu na curtellata!...

—Ma io...—Ma tu? Nui simmo crestiane!
Nun tremmà!... Nun carè, ca nun te soso! ³)
Cu na carogna, io me spurcasse 'e mmane!